Het jy al
só daaraan gedink? Waar was God toe Sy
Seun aan die kruis gehang het? Waar is
Hy vandag in hierdie mal en deurmekaar wêreld?
Was daar ‘n God? Is daar ‘n
God? As daar ‘n God is, waarom gryp Hy nie in soos in die ou tyd
en straf al die godeloosheid nie? Of
wag, miskien straf Hy tóg die mensdom vandag!?
Miskien is dit die rede waarom
daar so baie dood en verwoesting op die aarde is! Miskien is dit waarom daar so baie siektes en
aardbewings is!?
Dan sê
iemand anders. “Jy hoor net van al hierdie wonderwerke soos dooies wat opgewek
is, siekes wat gesond word en al die ander dinge soos in die Bybel opgeskryf is
en meer as 2000 jaar gelede plaasgevind het.”
“ Moet Hom dus nie vandag op die proef stel nie, want as Hy bestaan sou
Hy dit ook vandag gedoen het. ‘n Andere
sê: “En selfs die predikers sê ewe
rustig aan sy moedelose en siek gemeentelede wat nie gesond word nie. Jammer mense, maar julle het nog nie ‘n lang
genoeg pad met God geloop nie. Moenie
verwag dat Hy nou al gunsies en gawes aan julle sal uitdeel nie” Andere sê weer, “nee, daar is ‘n God, maar
die tyd van wonderwerke is ongelukkig verby. Gaan maar kerk toe, gee jou geld, probeer net reg lewe, hou elke gebod een
honderd persent reg (of probeer darm om dit so goed as moontlik te hou) en jy is op die regte pad.”
Waar was Hy toe Sy seun aan die kruis verneder
was? NêRENS ?, of het Hy tog daar
iewers hoog bo in die hemel met
wraak in Sy hart sit en kyk oor alles wat hier onder op die aarde aangaan?
Hierdie
woordjie “NêRENS” het in my gedagtes bly vassteek toe ek dit hoor,
toe dink ek.
DIT IS SO! Terwyl Hy voor Pilatus staan om
veroordeel te word,
vra Pilatus aan die skare: “ Wat moet ek dan doen
met Jesus wat genoem word
Christus?”
Met niemand om Hom te verdedig nie, skree hulle: “ Laat Hom
gekruisig word!”
Toe laat hy vir hulle Barábbas los, maar Jesus het hy laat
gésel en oorgelewer om gekruisig te word. En nadat hulle Hom bespot het,
trek hulle Hom die mantel uit en trek Hom sy
klere aan en lei Hom weg om
gekruisig te word.
Behalwe
vir Sy moeder, ‘n paar vroue en die dissipel Johannes, het Hy alleen daar aan
die kruis gehang. Sy volgelinge het
almal bevrees weggehardloop toe Hy gevange
geneem is en Judas, die veraaier,
het selfmoord gepleeg. Daar het Hy
gehang terwyl
die verbygangers Hom gesmaad het en hulle hul hoofde geskud het en sê: “Ha, U
wat die tempel afbreek
en in drie dae opbou, verlos Uself en kom af van die kruis!”
Net so lekker het die owerpriesters saam met
die skrifgeleerdes gespot en vir
mekaargesê: “Ander het Hy verlos, Homself kan
Hy nie verlos nie.” So is Hy, Jesus,
saam met twee rowers gekruisig, een aan
die regter— en een aan die linkerkant.
En toe
die soldate Jesus gekruisig het, neem hulle sy klere en maak vier
dele, vir elke soldaat
‘n deel, en die onderkleed; maar die onderkleed was
sonder naat, van bo af in een stuk
gewewe.
So is die profesie dan ook vervul
wat sê: “En hulle het vir mekaar gesê: Laat
ons dit nie skeur nie, maar
laat ons die lot daaroor werp, wie s’n dit sal wees”
Terwyl hierdie Jesus aan die kruis gehang het, verag
en deur die mense en God
verlaat, ‘n man van smarte en bekend met krankheid;
ja, so was Hy een vir wie
‘n mens sy gelaat verberg; Hy was verag en niemand het Hom geag nie.
(Jes.53:3)
Nogtans het Hy óns krankhede op Hom geneem, en óns smarte—dié
het Hy gedra; maar óns het Hom gehou vir een wat
geplaag, deur God geslaan
en verdruk
was. Daarom kom die vraag: Waar wás die God wat voor Petrus,
Johannes en Jakobus met ‘n hoorbare stem gesê
het: “Dit is my geliefde Seun;
luister Hom!?”(Lukas9:35)
En
so breek die negende uur aan en Jesus het met ‘n groot stem uitgeroep en gesê: “Eloï,
Eloï, lamma sabagtáni? wat, as dit vertaal word, beteken: My God, my God, waarom het U My verlaat?” En Jesus het uitgeroep en gesê: ”Vader, in u
hande gee Ek my gees oor! En toe Hy dit gesê het, blaas Hy die laaste asem uit.”
Waar was God dan toe Jesus daar gesterf het? Hoekom het Hy hom dan nie
gehelp en die goddelose Jode met weerligstrale
uitmekaar geslaan nie? Die
antwoord hierop het ek in die volgende gevind:
Jesus se verhaal
Die verhaal van Jesus se lewe begin waar Hy in
die krip in Betlehem in Judea
gebore
is. Sy geboorte is alreeds jare voor die
tyd deur die profeet Miga
geprofeteer.
Hy het geprofeteer. “En jy,
Betlehem Éfrata, klein om te wees
onder die geslagte van Juda, uit jou sal daar vir
My uitgaan een wat ‘n Heerser
in Israel sal wees; en sy uitgange is uit die
voortyd, uit die dae van die
ewigheid.” (Miga5:2) God
het reeds baie jare tevore besluit on Sy Seun, Sy enigste Seun, vir die sondige wêreld te stuur om as ‘n finale
offer vir die sonde gedood te word. Hy,
Jesus, sou die prys betaal vir die hele wêreld se sonde. In Johannes 3:16 lees ons die volgende: “Want so lief het God die wêreld gehad, dat
Hy sy eniggebore Seun gegee het, sodat elkeen wat in Hom glo, nie verlore mag
gaan nie, maar die ewige lewe kan hê. Dít
was die genade plan van God vir ‘n verlore gaande wêreld. Terwyl Jesus Hom deur Johannes die doper laat
doop het, kom daar ‘n Stem uit die hemel wat sê: “U is my geliefde Seun in wie
Ek ‘n welbehae het.”
Jesus het ‘n bediening van drie en ‘n halwe jaar
hier op aarde gehad. In hierdie
tyd was daar duisende siekes deur Hom genees, mense is hul hul sondes
vergewe, dooies is lewend gemaak en die blye boodskap van verlossing is
verkondig.
DIE HOOFREDE
Die
hoofrede waarom God Sy Seun na die wêreld gestuur het, was: God het
Sy Seun in die wêreld gestuur nie om die wêreld
te veroordeel vanwëe die
sonde nie,
maar dat die wêreld deur Hom gered kan word!
Hy, Jesus, het die
veroordeling op Hom geneem sodat ons, wie die
straf verdien, nie meer gestraf
moet word nie. Hy is gestuur om die plek van die finale offerlam
in te neem.
Dit beteken dat die genade van God op die mensdom
neergedaal het. Genade
en nie veroordeling nie. Genade in die vorm van ‘n offerlam, maar
hierdie keer
is die offerlam die enigste Seun van God.
Hierdie
offer sou die laaste van alle bloed offers wees. Deur hierdie offer sou
God Sy genade en liefde op alle mense op die
aarde uitstort. God wou Sy
genade oor die mens uitstort en die mens
vryspreek van veroordeling. Hy wou
die mense hulle sonde en ongeregtigheid vir goed vergewe
en almal regverdig
voor Hom verklaar. Die mens sou deur Sy genade sonder
verdienste (sonder
om bloed-
en brandoffers te bring – sonder om self te probeer) geregverdig
word, deur die verlossing wat in Christus Jesus
is.(Rom.3:24) Hier lees ons : En
hulle word deur sy genade sonder verdienste
geregverdig deur die verlossing
wat in Christus Jesus is. Om ons te red moes God Sy Seun stuur om die
mens
vry van die binding van die wet te maak. Dit moes gebeur omdat niemand uit
die werke van die wet voor Hom geregverdig kan
word nie. So word die mens
dan deur die geloof geregverdig en nie deur die
werke van die wet nie.
God het ‘n verbond gemaak. God het geen behae meer in slagoffers en
spysoffers gehad nie. ( Soos in die ou
testamentiese tye nie) (psalm 40:6)
Daarom het
Hy ‘n verbond gesluit en gesê: “Ek sal
my wette gee
in hulle
hart, en in hulle verstand sal Ek dit inskrywe, en aan hulle sondes en
hulle ongeregtighede sal Ek nooit meer dink
nie.” (Heb. 10:16-17) Waar daar
nou
vergifnis van hierdie dinge is, is daar geen offer meer vir die sonde nie.
Jesus was
die offer vir ONS sondes en óns
ongeregtigheid. In 1Kor.6:10 lees
ons:
“ Moenie dwaal nie! Geen
hoereerders of afgodedienaars of egbrekers of
wellustelinge of sodomiete of diewe of gierigaards
of dronkaards of
kwaadsprekers of rowers sal die koninkryk van God
beërwe nie.” Maar dan
voeg die
apostel by; “En dit wás sommige
van julle” “Maar nou het julle julle
laat afwas en is geheilig en julle het regverdig
geword in die Naam van die Here
Jesus en deur die Gees van onse God. Dit beteken dan nou dat as ons
geregverdig is in sy bloed, ons deur Hom gered
is en gered word van die
toorn. GOD
SELF HET JULLE REGVERDIG VERKLAAR!,
maar alleen deur die
geloof in
Jesus Christus.
Om ons te help om as regverdiges te lewe, het God
ook ‘n plan gehad. Hy het
vir ons die Heilige Gees gestuur. In die ou testamentiese tyd toe die mense
slegs die wet gehad het om volgens te lewe en
daarvolgens veroordeel te
word, was die Heilige gees nog nie op alle mense
uitgestort nie maar alleen op
uitgesoekte mense. Ons dink aan Elia, Elisa ensovoorts.
Terwyl Jesus op die aarde was het hy gesê: “Dit het Ek tot julle gespreek terwyl
Ek by
julle bly; maar die Trooster, die Heilige Gees, wat
die Vader in my Naam
sal stuur,
Hy sal julle alles leer en sal julle herinner aan alles wat Ek vir julle
gesê het.”
(Joh.14:25-26) Wat Hy vir hulle probeer sê het is dit: Ek gaan nie
altyd by julle wees nie, Ek sal die offerlam vir
die wêreld word soos my Vader
dit in Sy Grootheid en liefde vir die
verloregaande wêreld beplan het. My
Vader sal nie meer van julle verwag om onder die
wette wat so moeilik is om in
julle eie krag te hou gebukkend te gaan nie. Hy gaan dit nou vir julle makiliker
maak om regtig
te lewe. “En Ek sal vir julle ‘n
Vader wees, en julle
sal vir My seuns en dogters wees, spreek die Here, die
Almagtige.” (2Kor. 6:18)
Julle sal nie meer slawe onder die wet wees nie. En daarby het God ook
belowe dat Hy die Heilige Gees na die mense sal
stuur om IN DIE MENSE te
woon, en hulle helper en Voorspaak by God te
wees.
In Jesaja
44:3 het die profeet reeds voorspel dat die Heilige Gees in die mens
sal kom bly.
“Want Ek sal water giet op die dorsland en strome op die droë
grond; Ek sal my Gees op jou kroos giet en my
seën op jou nakomelinge.” “En
Ek sal my Gees in jul binneste gee en sal
maak dat julle in my insettinge wandel
en my verordeninge onderhou en doen,” sê Jesaja
36:27.
Jesus sê in Johannes 14:26 : “maar die Trooster,
die Heilige Gees, wat die
Vader in my Naam sal stuur, Hy sal julle alles
leer en sal julle herinner aan
alles wat Ek vir julle gesê het.” Met die werk van Jesus as Verlosser van
sondes en siektes en ongeregtighede aan die kruis
en ook die inwoning van die
Heilige Gees in ons lewe, is ons vry! Vry om nie meer soos in die ou
testamentiese tyd onder die juk van slawerny van
die wet wat veroordeel te
lewe nie. As
die Seun julle dan vrygemaak het, sal julle waarlik vry wees.
(Joh.8:36) Daar was
dus slegs één offer nodig om volkome vry te word van die
ou verbond van straf en oordeel. Want deur één offer het Hy vir altyd
volmaak
die wat geheilig word. Die Heilige Gees is dan ook aan ons gegee om
aan ons
getuienis te gee.
Hy het ook gesê: “
Dit is die verbond wat Ek met hulle sal sluit ná dié dae,
spreek die Here verder: Ek sal my wette gee in
hulle hart, (nie meer op klip
tafels nie) en in hulle verstand sal Ek dit
inskrywe, en aan hulle sondes en
hulle
ongeregtighede sal Ek nooit meer dink nie.” NOOIT MEER DINK NIE!
Mense, onthou en ding. Die mens word dus nou geregverdig deur
die geloof
sonder die
werke van die wet - die wet van die ou testament. Nou sal jy
miskien vra:
“Hoe nou? Maak ons dan die wet tot niet deur die geloof? Nee
stellig nie! Inteendeel, ons bevestig die wet.”
Wat wel gebeur is: Ons is nou
ontslae van die straf van die wet waardeer ons
gebonde was. Die wet kan ons
nou nie meer bind nie want die Gees van God self
kom bly in ons. Jesus het
gekom om die straf in Hóm te dra. Ons
word nou deur Sy genade
sonder
verdienste
geregverdig deur die verlossing wat in
Christus Jesus is. ( Al
het ons almal
gesondig en ons dit ontbreek aan
die heerlikheid van God).
Noudat ons
geregverdig is in Jesus se bloed, is ons
ook nou gered van die
toorn van God! So, jy hoef God nie meer te sien as ‘n boosaardige
of wrede
God nie.
Ons lewe nou in die tydperk van genade en Hy, God, is nou ons
Vader. Want julle het nie ontvang ‘n gees van slawerny
om wéér te vrees nie,
maar julle het ontvang die Gees van aanneming
tot kinders, deur wie ons roep:
Abba, Vader! (Rom8:15) God is
vir jou lief! Die liefde van God vir
ons word
hierin geopenbaar, dat God sy eniggebore Seun in die
wêreld gestuur het,
sodat ons deur Hom kan lewe.
Na Jesus se offer aan die kruis was dit dus
nou ook nie meer nodig om weer en
weer vir die sonde te offer nie. Dit het oorbodig geraak dat die priester elke
jaar in
die heiligdom moes ingaan met bloed wat nie sy eie is nie. Nadat Jesus
volgens die plan van God as slagoffer vir die
sondes van die mense homself
geoffer het, het Hy vir altyd gaan sit aan die regterhand
van God. Christus het
ons nou losgekoop van die vloek van die wet deur
vir ons ‘n vloek te word—
want daar
is geskrywe: Vervloek is elkeen wat aan ‘n hout hang—
Nou kom ons weer by die eerste vraag uit: Waar
was God toe Sy Seun aan die
kruis
gehang het? En die antwoord is: Hy was nog altyd daar waar Hy van die
begin af was.
Hy is die Alfa en die Oméga, die begin en die einde, die eerste en
die laaste.
Hy is die Vader van die ligte, by wie daar geen verandering of
skaduwee van omkering is nie. (Jak1:17)
Ja, God wás daar en kon
duisende
engele stuur om Jesus van die kruis te
verlos. Maar daardie dag was Hy nie
daar vir Jesus nie. God het Hom, Jesus, vir ‘n kort tydjie
minder as die engele
gemaak, sodat ons
verlos kon word van die sonde. Ja, Hy,
Jesus het die dood
namens ons gesmaak en as God ingegryp het, was daar geen versoening vir
ons nie!
Dan was daar geen genade vir ons.
Maar Hy (Jesus) is ter wille van
ons oortredinge deurboor, ter wille van ons
ongeregtighede is Hy verbrysel; die
straf wat vir ons die vrede aanbring, was
op Hom, en deur sy wonde het daar
vir ons genesing gekom. Ja,God bewys sy liefde
tot ons daarin dat Christus vir
ons gesterf het toe ons nog sondaars was. “Maar, as die Seun julle dan
vrygemaak het, sal julle waarlik vry wees.” So sê die Woord.
WAAR IS
GOD DAN NOU, TERWYL DAAR SO BAIE ONGEREGTIGHEID EN RAMPE OP DIE
AARDE IS?
Weereens, Hy is nog steeds daar
waar Hy van die begin af was. Hy is die
Alfa
en die Oméga, die begin en die einde, die eerste
en die laaste. Hy is die Vader
van die
ligte, by wie daar geen verandering of skaduwee van omkering is nie.
Ons moet dit nie uit die oog verloor dat sonde
deur Adam in die wêreld
ingebring is nie.
Die sonde is deur een mens
(Adam) in die wêreld ingebring
en deur die sonde die dood, en so het die dood
tot alle mense deurgedring,
omdat almal gesondig het. Jesus
het nie die sonde kom wegvat nie, maar Hy
het die straf vir die sonde , dit wat ons
toekom, op Hom kom neem sodat ons
wat geglo het, nie gestraf hoef te word nie. Daarom het Hy Jesus – Sy enigste
Seun – in ons plek die straf vir die sonde laat
dra. Die aarde sal onder die mag
van die sonde bly totdat God die sonde finaal sal
straf en tot niet sal maak.
Jesus het
ook nie die aardbewings en rampe kom stop nie, maar Hy het gesê:
“En as
hierdie dinge begin gebeur, kyk dan na bo en hef julle hoofde op,
omdat julle verlossing naby is.” Jes
51:6 Slaan julle oë op na die hemel
en aanskou die aarde daaronder; want die hemel sal soos rook verdwyn en die
aarde soos ‘n kleed verslyt en sy bewoners soos muskiete sterwe; maar my heil
sal vir ewig bestaan en my geregtigheid nie verbreek word nie.
Jes 51:7 Luister na My, julle wat die geregtigheid
ken, volk in wie se hart my wet is! Wees nie bevrees vir die smaad van
mense en skrik nie vir hulle skimptaal nie;
Met ander
woorde, vir die wie Hom aangeneem het, wie geregverdig gemaak
is, in wie se hart my wet is, sal daar verlossing wees. Ons lewe nou in die
verganklike en in die sterflike. Maar daar kom ‘n dag dat die verganklike met
onverganklikheid en die sterflike met
onstreflikheid beklee sal word. dan sal
vervul word die woord wat geskrywe is: “Die dood
is verslind in die
oorwinning. Dood, waar is jou angel? Doderyk,
waar is jou oorwinning?”
Die hele
skepping van God sug tesame in barendsnood.
Ons lees wat Timótheüs sê in 2 Tim 3 vers 1-6. Hy sê:
“Maar weet dit, dat
daar in die laaste dae swaar tye sal kom. Want die mense sal liefhebbers van
hulleself wees, geldgieriges, grootpraters,
trotsaards, lasteraars,
ongehoorsaam aan hulle ouers, ondankbaar,
onheilig, sonder natuurlike liefde,
onversoenlik, kwaadsprekers, bandeloos, wreed,
sonder liefde vir die goeie,
verraaiers, roekeloos, verwaand, meer liefhebbers
van genot as liefhebbers
van God;
mense wat ‘n gedaante van godsaligheid het, maar die krag daarvan
verloën het. Keer jou ook van hierdie mense
af. Want uit hulle is die wat in die
huise insluip en arme vroue gevange neem wat met
sondes belaai is en deur
allerhande begeerlikhede gedryf word.”
Jesus het gesê: “Want
die een nasie sal teen die ander opstaan en die een
koninkryk teen die ander; en daar sal hongersnode
wees en pessiektes en
aardbewings op verskillende plekke. Maar al
hierdie dinge is ‘n begin van die
smarte.
Dan sal hulle jul aan verdrukking oorgee en julle doodmaak; en julle
sal deur al die nasies gehaat word ter wille van
my Naam. En dan sal baie tot
struikel
gebring word en mekaar verraai en mekaar haat.En baie valse profete
sal opstaan en baie mense mislei. En omdat die ongeregtigheid vermeerder
word, sal
die liefde van die meeste verkoel. Maar wie volhard tot die einde
toe, hy sal
gered word.”
Verder sê
Jesus: “In die wêreld sal julle
verdrukking hê; maar hou goeie moed,
Ek het die wêreld oorwin.” Paulus sê dit so treffend: “maar ons roem
ook in
die verdrukkinge, omdat ons weet dat die
verdrukking lydsaamheid werk, en
die lydsaamheid beproefdheid en die beproefdheid
hoop; en die hoop
beskaam nie, omdat die liefde van God
in ons harte uitgestort is deur die
Heilige Gees wat aan ons gegee is.” En dan kom die die antwoord vir almal wat
moeg en moedeloos is en baie vrae vra en geen
antwoorde kry nie: “Want toe
ons nog
swak was, het Christus op die regte tyd vir die goddelose
gesterwe”(Rom.5:6) Ja, Christus was bereid om vir ons te kom
sterwe sodat
daar hoop en vrede vir ons kan wees. Die mense van die ou testament het
geen egte hoop gehad nie. Hulle het onder die straf van die sonde
gelewe.
‘n Ander feit wat ons in gedagte moet hou is dat God nie mense siek maak
nie.
Die siekte wat op hierdie aarde is is nie bedoel
vir die kinders van God nie. God
sal jou nie siek maak net om jou weer gesond te
maak nie! Dit klop net nie!
Jesus het al ons siektes op Hom geneem aan die
kruis. Die mense het hulle
siekes na Hom gebring en die wat van duiwels
besete was is ook gebring sodat
Hy hulle kon genees. Hy het die duiwels met een woord uitgedrywe
en almal
wat ongesteld was gesond gemaak. Dit het gebeur sodat dit wat deur die
profeet Jesaja gespreek was waar geword het. Jesaja het geprofeteer: “Hy
het ons krankhede op Hom geneem en ons siektes
gedra.” (Mat:8:17) Hy sal
nie al ons siektes op Hom dra en aan die kruis
gaan hang, net sodat God ons
weer siek moet maak en daarna weer gesond maak
nie. Dit kan net nie so
werk nie.
Wat genesing vir ons tyd betref, GOD GENEES NOG STEEDS. Dit kan ek van
getuig. Een van die baie
getuienisse wat ek het is dat toe die dokters raadop
was en
niks meer vir my kind kon doen nie, het God haar in een oomblik
genees!
Terwyl sy letterlik besig was om weg te kwyn, nie meer kon loop nie
en nie meer kon eet nie en geen antibiotika meer gehelp het nie, het
God haar
in een oomblik genees. DIT IS
MY GOD WAT NOG STEEDS GENEES. (as jy
belangstel kan ek vir jou ‘n afskrif van die
koerant berig van die gebeure maak
en vir jou
stuur) Soveel keer het God genesing
gegee vir my en my vrou en my
kinders!
Soveel keer het God ander wonder dade in my en ons lewe gedoen!
En Hy doen
dit nog steeds!
In sy
beproewing het Job gesê: “ Maar Hy bly
onveranderlik Een—wie sal Hom dan
teëhou? En wat sy siel begeer, dit doen Hy.”
Job23:13)
Ek is die
Alfa en die Oméga, die begin en die einde, sê die Here, wat is en wat
was en wat
kom, die Almagtige.
Liewe leser, moenie jou
laat bluf deur die satan nie. Hy is ‘n
leunaar, ‘n dief
en ‘n moordenaar. Hy het gekom om te slag en te steel, maar
Jesus het gekom
om LEWE en
Lewe in oorvloed te gee. Jesus het gesê:
“Ek is die goeie herder.
Die goeie herder lê sy lewe af vir die
skape. Die dief kom net om te steel en
te
slag en te verwoes. Ek het gekom, dat julle lewe
en oorvloed kan hê.”
Hy wat dit getuig, sê: Ja, Ek kom gou. Amen,
ja kom, Here Jesus! Die
genade van
onse Here Jesus Christus sy met julle almal! Amen. (Openbaring 22:21)
Jimmy
